Туркийн тагнуул Вейсел Акчай АНУ-ын тусламжтайгаар Монголд түр үлдлээ

hi

    Монгол, Туркийн хамтарсан “Улаанбаатар элит” сургуулийн дэд захирал Вейсел Акчайг өнгөрсөн баасан /2018.07.27/  гаригийн 09.40 цагийн орчинд нүүрэндээ маск зүүсэн үл таних этгээдүүд гэрээсээ гарахад нь хулгайлсан хэрэг гарсан. Туркийн гадаад харилцааны яамнаас уг ажиллагаанд хамаагүй гэж мэлзэж байгаа ч түүнийг БНТУ-ын Элчин сайдын яамны ажилчид Чингис Хаан олон улсын нисэх буудалд нэвтэрсэн тусгай үүргийн гурван онгоцоор дайчлан Турк руу нисэх гэж байсан юм. Гэвч ажиллагаа АНУ-ын хүчтэй эсэргүүцэлтэй тулгарснаар Турк Улсын төрийн эсрэг гэмт хэргийг зохион байгуулсан гэх Вейсел Акчайг энэ удаад орхин нутаг буцлаа. АНУ-ын элчин сайдын яамныхан МУ-ын Эрүүгийн хуулийн 1.7.3.-д “... Тухайн улсын хуульд зааснаар цаазаар авах ял оногдуулах, эрүү шүүлт тулгах хангалттай үндэслэл байгаа тохиолдолд гадаадын иргэнийг тухайн улсад гэмт хэрэгт мөрдөн шалгуулах, ял шийтгүүлэхээр шилжүүлэн өгөхгүй.” гэж заасан байдгийг ашигласан гэх.

Турк улсад хоёр жилийн өмнөөс Шашин болон боловсролын Гуленист хөдөлгөөнийг баривчлах ажиллагаа явуулж байгаа учир В.Акчай хэрэв эх орондоо хүргэгдэн очвол цаазын ял авах нь тодорхой болсон тул тэрээр МУ-аас улс төрийн орогнол хүсэхээр болж түүнийгээ ч батлан хэлмэгдсэн, хулгайлагдах шахсан хүний дүрд тоглох боллоо.

МУ-ын ерөнхийлөгч Х.Баттулга өнгөрсөн үйл явдалд идэвхийлэн оролцох гэсэн ч их гүрний элчин сайдууд авч хэлэлцсэнгүй юу ерөнхийлөгчийн хяналтаас гадуур бүх зүйл шийдэгдээд өнгөрчээ.

Өнгөрсөн үйл явдал Турк Монголын хамтарсан “Улаанбаатар эмпати” сургууль нь монгол хүүхдүүдийг сургах нэрээр халхавчилсан улс төрийн үйл ажиллагаа явуулдаг тагнуулын байгууллага гэдгийг тус улсын ерөнхийлөгч Режеп Тайп Эрдоган дэлхий дахинд илчилж өгсөн явдал боллоо.  2016 онд Р.Т. Эрдоганыг төрийн эрхээс авч хаях гэсэн цэргийн оролдлого болсны дараа тэрээр олон нийтэд хандаж “..БНТУ-ын тагнуулын албанд бэлтгэгдсэн тусгай ажилтнууд нь хорлон сүйтгэх ажиллагаа явуулах терористуудыг бэлтгэдэг сургуулиудыг дэлхийн ядуу буурай орнуудад байгуулж сургалт явуулж байна. АНУ-д орогнож байгаа Туркийн тэрс үзэлтэн Фетулла Гюлентэй үгсэн хуйвалдаж гадаадаас хөлсний хорлон сүйтгэгчдийг явуулж байгаа тул эх орноосоо урвагчдийг эргүүлэн авчирч, хуулийн хатуу цээрлэл хүлээлгэнэ...” гэдгээ илэрхийлсэн. Үүнийхээ ч нотолгоо болгож 2018 оны ерөнхийлөгчийн сонгуульд дөнгөж ялсныхаа дараа Ф.Гюлений дотны хамсаатан Туркийн тагнуулын ажилтан Вейсел Акчайг баривчлан эх оронд нь хүргүүлж ял сонсгох гэж ийнхүү оролджээ. В.Акчай нь 24 жил “Улаанбаатар эмпати” Монгол, Турк сургуулийн захирлаар ажиллахдаа МУ-ын талаархи олон тооны мэдээ баримтыг Турк улс руу нууцаар явуулж, тус улсын тагнуулын байгууллагын удаа дараагийн шагнал урамшууллыг авсан, монгол судлалаар сайтар мэргэшсэн тагнуулч аж. Монголчууд түүнийг “найрамдал” медалиар шагнасан байдаг тул БНТУ-аас МУ-д суугаа Элчин сайдын яамнаас нутагт буцаан хүргүүлэх саналаа МУ-ын ерөнхийлөгчтэй зөвшилцсөн ч АНУ-ын Элчин сайдын яамны зүгээс эрс буруушаан хориглосон тул асуудлыг дахин зөвшилцөхөөр түр хойшлуулжээ. Харин Гадаад харилцааны яамнаас Монгол Улсын Засгийн газар олон улсын гэрээ конвенцод нэгдэн орсон үүргээ биелүүлж Турк багшийг эх орондоо үлдээж чадлаа гэх мэдээллийг хэвлэлийнхэнд өгч байгаа юм.

 

Хаха 0 1 Таалагдсан 0 Гунигтай 0 Нүдний булай 0 Пөөх

Сэтгэгдэл бичих

АНХААР! Сэтгэгдэл хэсэгт ёс бус бичвэр оруулахыг хориглоно. *

НИЙТ СЭТГЭГДЭЛ 30