“Их 20”-ын чуулганыг Бразилийн ерөнхийлөгчтэй цуг зорьсон албан хаагчаас 39 кг кокайн илэрчээ

.

Бразилийн ерөнхийлөгч Жайр Болсонарутай цуг Японы Осакад болох “Их 20”-ын чуулганыг зорьж явсан тус улсын нисэх хүчний офицерын ачаанаас 39 кг кокайн илрүүлжээ.

Ерөнхийлөгчийн онгоц Испаний Севилл хотод түр зогсох үед түүнийг Мягмар гарагийн орой баривчилсан тухай Бразилийн батлан хамгаалах яам мэдээлэв. Хар тамхи тээвэрлэгч нь 38 настай бага түрүүч Силва Родригез байсныг Бразилийн хэвлэлүүд тодруулжээ. Тэрээр ерөнхийлөгчийн онгоцыг дагалдаж явсан нөөц онгоцоор зорчиж байсан гэнэ.

Ерөнхийлөгч Болсонару хэргийг мөрдөн шалгах ажилд Испаний талтай нягт хамтран ажиллахыг өөрийн батлан хамгаалах яаманд даалгасан байна.

Эх сурвалж: CNN

Хаха 0 0 Таалагдсан 0 Гунигтай 0 Нүдний булай 0 Пөөх

Сэтгэгдэл бичих

АНХААР! Сэтгэгдэл хэсэгт ёс бус бичвэр оруулахыг хориглоно. *

НИЙТ СЭТГЭГДЭЛ 0