Ч.Улаан: Засгийн газраас малыг амьдаар нь гаргах чиглэл өгсөн

hi

ХХААХҮ-ийн Сайд Ч.Улаан: "Манай эхнэрийн дүү хоёр жилийн өмнөөс эхлээд Замын-Үүд дээр мал эрүүлжүүлэх цогцолбор байгуулахад хамтарч ажиллаж байгаа юм билээ. Энэ маань хоёр жилийн өмнөөс эхэлсэн ажил шүү дээ. Засгийн газрын тогтоол гараад гадна, дотны хөрөнгө оруулагчидтай тэнд ажиллаж байгаа нь үнэн. Энэ цогцолбор газрын ажил эхлээд хоёр жил болсон. Одоо ингээд малаа гаргах боллоо гэж асуудал тавьж байгаа юм байна лээ. Малаа гаргана гэвэл Мэргэжлийн хяналт, Гааль, Мал эмнэлгийн газрын тэр журмаараа хянах ёстой. Энэ ажлаа хийгээрэй гэж байгаа. Түүнээс биш одоогоор манай яаманд хөлөөр нь мал гаргая гэдэг асуудал албан ёсоор тавигдаагүй. Энийг манай яам ч шийдэх асуудал биш. Энэ бол орон нутагт Засгийн газраас өгсөн чиглэлийн асуудал байгаа. Хэрвээ энэ асуудалд аймгууд нь санал тавих юм бол яам хоорондын гэрээ хэлцэл хийх ёстой.

   Энэ асуудал дөнгөж эхний шатандаа явж байгаа ажил гэж бодож байна. Тэр эхнэрийн дүү бол надтай хамаа байхгүй. Ямар ч хамаа байхгүй. Тэр үйл ажиллагаа бизнесээ эхлээд явж байгаа хүн тэр дагуу явна. Нэг асуудал болохоор л манайхан ингээд хамаг юмыг авчирч ирээд энд тэндээс нь ямар холбоо байж болох уу гээд л холбоод байх юм. Би бол өнөөдөр мал аж ахуй, газар тариалангын бүтээгдэхүүнийг нэмэгдүүлэх аль болох экспортыг гаргаж улс орны эдийн засагт дэм болох, нөхцөл боломжыг бүрдүүлэх үүрэг хүлээсэн хүн. Энэ чиглэлийнхээ дагуу л бид ажиллаж байна. Саяын айлчлалын явцад гэрээ хэлцэл хийгдсэн. Тэр хүн бол надаас өмнө томилогдсон ашиг сонирхлын зөрчил үүсэхгүй гэж бодож байна. Надад хууль зөрчсөн ямар ч үйлдэл байхгүй. Малыг амьдаар гаргах бол хоёр талын хөрөнгө оруулалттай тэр компани нь л гаргана. Гэхдээ тэр шийдвэрийг Дорноговь аймаг гаргана ш дээ. Тэр аймгаас зөвшөөрлийг нь өгнө" гэв. 

Хаха 0 0 Таалагдсан 0 Гунигтай 0 Нүдний булай 0 Пөөх

Сэтгэгдэл бичих

АНХААР! Сэтгэгдэл хэсэгт ёс бус бичвэр оруулахыг хориглоно. *

НИЙТ СЭТГЭГДЭЛ 11