Мөнгөний ханшийг хэрхэн уналтаас сэргийлэх вэ

.

Тогтворгүйн гурвалжины загвараар зарим нэг үзэгдлийг тун хялбархан ойлгож болно. Жишээ татъя. Капиталын урсгал чөлөөтэй Тайландад богино хугацаатай, их хэмжээний мөнгө гадаадаас орж ирлээ. Түүнийг урт хугацаатай төсөлд оруулчихсан байв. Гэтэл валютын довтолгооны сургаар гаднын хөрөнгө оруулагчид бүх мөнгөө эргүүлэн татахад хүрвэл яах вэ? Ийм тохиолдолд ямар ч санхүүгийн байгууллага мөнгөний хомсдолд орж, Төвбанкнаасаа тусламж гуйхад хүрнэ. Үүний “үр дүн”-д нь их хэмжээний валют гадагшаа урсах бөгөөд тухайн улсын мөнгөн тэмдэгтийн ханш унаж үндэсний мөнгөн тэмдэгтдээ итгэх итгэл алдарах болно. Ханш унана гэсэн хүлээлт бий болоход гаднын дамчид богино хугацаанд их ашиг олохоор довтолно. Ингэснээр Тайландын үндэсний мөнгө үүргээ гүйцэтгэж чадахгүйд хүрч, инфляци гааран, банкууд дахь хадгаламж, зээлийн эргэлт бүрэн царцана. Үүнийг валютын хямрал санхүүгийн хямрал болж хувирах гэх бөгөөд улмаар эдийн засгийн хямрал болж даамжрахаас өмнө Олон улсын валютын сангаас аврал эрэн зээл гуйхаас өөр аргагүй нөхцөл рүү түлхэнэ.

Хаха 0 0 Таалагдсан 0 Гунигтай 0 Нүдний булай 0 Пөөх

Сэтгэгдэл бичих

АНХААР! Сэтгэгдэл хэсэгт ёс бус бичвэр оруулахыг хориглоно. *

НИЙТ СЭТГЭГДЭЛ 0