Т.Даваасамбуу


Гадаад өр ихтэй орнуудад энэ удаагийн хямрал хүндхэн цохилт болно

hi

    Дэлхийн банкнаас улс орнуудын эдийн засгийн өсөлтийн төлөв байдлын талаарх тайлан, мэдээгээ танилцуулсан билээ. Тайлан мэдээнд Азийн орнууд худалдааны маргаан, коронавирусээс үүдэлтэй эдийн засгийн гурав дахь шоктой тулгарч магадгүй талаар онцолсон байна. Коронавирусээс үүдэлтэйгээр дэлхийн улс орнуудын эдийн засгийн өсөлт буурч, ядуурлын түвшин өсөх нь хэдийнээ тодорхой болоод байгаа юм.

Дэлхийн банкны Ази, Номхон далайн эдийн засгийн асуудал хариуцсан ахлах эдийн засагч Адитиа Матто "Nikkei Asian Review"-д өгсөн ярилцлагадаа “Коронавирусээс үүдэлтэй эдийн засгийн хүндхэн нөхцөл байдал байгалийн гамшиг болон өмнө нь тохиолдож байсан санхүүгийн томоохон хямралаас ихээхэн ялгаатайгаас гадна дэлхийн бараг бүх улсыг хамарч байна. Энэ хямрал ялангуяа Азийн орнуудад хүндхэн тусахаар байгаа” гэдгийг онцолжээ.

Аялал жуулчлал, уул уурхайн түүхий эдийн экспортоос эдийн засаг нь хамаардаг орнуудад энэ удаагийн санхүүгийн хямрал хүндхэн цохилт болохоор байгаа юм. Тухайлбал, аялал, жуулчлалын салбараас эдийн засгийнхаа арав гаруй хувийг бүрдүүлдэг Тайланд Улс энэ жил ердөө тав хүрэхгүй хувийг уг салбараас бүрдүүлнэ гэсэн таамаг байна. Түүнчлэн Хятадын эдийн засгийн өсөлтийг Дэлхийн банк 6.1 хувь хэмээн таамаглаж байснаа мөн бууруулсан. Индонез, Папуа Шинэ Гвиней, Филиппиний эдийн засаг харьцангуй бага хувиар буурахаар байгаа ч өнгөрсөн 2019 оны өсөлтийнхөө хаана ч хүрэхээргүй байгаа аж. Харин Вьетнам, Камбож, Лаос, Монгол, Мьянмар зэрэг улсын эдийн засгийн өсөлт Ази тивдээ хамгийн бага байхаар байгааг шинжээчид онцолжээ. Вирусийн дэгдэлт намжсаны дараа олон оронд экспорт, импорт, аялал жуулчлалын салбарын орлого буурч, түүхий эдийн ханш доошилж, цагаач ажилчдын ажлын байр тогтворгүй болохоос гадна мөнгөн гуйвуулга хумигдах нь тодорхой байгаа юм. Түүнчлэн их хэмжээний гадаад өртэй орнуудад энэ удаагийн санхүүгийн цочрол хүндхэн цохилт болохоор байна. Дэлхийн банкнаас Камбожийн оёдлын үйлдвэрийн болон Тайландын аялал, жуулчлалын салбарынхан ажлын байраа алдах өндөр эрсдэлтэйг онцлоод зөвхөн Ази тивд 11 сая хүн ядуусын эгнээд шилжиж болзошгүйг анхааруулаад байгаа юм. Үүнээс гадна тус банкнаас гэнэтийн цочролоос үүдэлтэй санхүүгийн хямрал гүнзгийрэх тусам эдийн засгийн эргэн сэргэлт удаашрахаар байгааг онцолж байна.

Хаха 0 0 Таалагдсан 0 Гунигтай 0 Нүдний булай 0 Пөөх

Сэтгэгдэл бичих

АНХААР! Сэтгэгдэл хэсэгт ёс бус бичвэр оруулахыг хориглоно. *

НИЙТ СЭТГЭГДЭЛ 0