Олон улсын эрүүгийн шүүх ОХУ-ын Ерөнхийлөгч Владимир Путинийг баривчлах тушаал гаргажээ. Шүүх түүнийг дайны гэмт хэрэг үйлдсэн гэж буруутгаж, Украины хүүхдүүдийг Орос руу хууль бусаар албадан гаргасан гэж буруутгаж байна. Энэ гэмт хэргүүд 2022 оны хоёрдугаар сарын 24-нд буюу Орос улс бүрэн хэмжээний түрэмгийллээ эхлүүлсэн үеэс Украинд үйлдэгдсэн гэж мэдэгджээ. Олон улсын эрүүгийн шүүхэд сэжигтнийг баривчлах эрх байхгүй, зөвхөн гишүүн орнууддаа л үйлчлэх эрх мэдэлтэй, Орос гишүүн орных нь нэг биш. Гэсэн хэдий ч энэ нь Ерөнхийлөгчид олон улсад зорчих боломжгүй гэх мэт өөр хэлбэрээр нөлөөлж болзошгүй юм. Олон улсын эрүүгийн шүүхийн мэдэгдэлд, Путинийг шууд гэмт хэрэг үйлдсэн гэж үзэх үндэслэлтэй гэж мэдэгджээ. АНУ-ын Ерөнхийлөгч Жо Байденаас Олон улсын шүүхийн шийдвэрийн талаар асуухад энэ нь үндэслэлтэй гэж үзэж буйгаа илэрхийлжээ. ОХУ-ын Хүүхдийн эрхийн асуудал эрхэлсэн комиссар Мария Львова-Беловаг мөн адил гэмт хэрэгт холбогдуулан Олон улсын эрүүгийн шүүхээс эрэн сурвалжилж байгаа аж.
Хаха
2
4
Таалагдсан
0
Гунигтай
0
Нүдний булай
1
Пөөх