ОХУ-ын Гадаад хэргийн сайд Сергей Лавров АНУ-ын Засгийн газар Украинд алсын тусгалтай АТАКМС пуужин нийлүүлнэ гэсэн мэдэгдэлтэй холбоотойгоор тайлбар хийжээ. Лавров Оросын суртал ухуулагч Павел Зарубинтай хийсэн ярилцлагадаа хэлсэн үгийг Европын Правда сонин иш татсан байна. ОХУ-ын Гадаад хэргийн сайд “АНУ-ын Украинд ATACMS өгөх шийдвэр нь болж буй үйл явдлын мөн чанарыг өөрчлөхгүй. Юу болж байна вэ гэвэл Украин Оросыг стратегийн ялагдалд оруулахын тулд олон жилийн турш бэлтгэгдсэн. Тэд бидний эсрэг дайн хийж байна" гэжээ. Орос Украин дахь өөрийн түрэмгий цэргийн зорилгодоо хүрч чадахгүй байгаагаа зөвтгөхийн тулд барууныхантай дайтаж байна гэсэн суртал ухуулгын хэв маягийг удаа дараа ашигласан. Чехийн Жанжин штабын дарга Карел Шехка Орос, НАТО-гийн хооронд дайн гарах магадлалтай гэж мэдэгдсэн байна. Үүний зэрэгцээ, эвслийн албаныхан ийм хурцадмал байдлаас урьдчилан сэргийлэхийн тулд хүчин чармайлт гаргаж байгаагаа байнга онцолж ирсэн.
Хаха
0
0
Таалагдсан
0
Гунигтай
0
Нүдний булай
0
Пөөх