Х.Амгалан


Орхон аймаг Хөдөлмөрийн аюулгүй байдал эрүүл ахуйн шилдэг зөвлөлөөр шалгарлаа

hi

Жил бүрийн  дөрөвдүгээр сарыг “Хөдөлмөрийн аюулгүй байдал, эрүүл ахуйн сар” болгон тэмдэглэн өнгөрүүлдэг. Энэ жил улс орон даяар үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх, ХАБЭА-н мэдлэг, мэдээллийг иргэд, олон нийтэд сурталчлан таниулах ажлыг “ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ МЭНДИЙН ЭЕРЭГ СОЁЛЫГ ХАМТДАА ТӨЛӨВШҮҮЛЬЕ” уриан дор тэмдэглэн өнгөрүүлсэн.

    Орон нутаг, нийслэлийн салбар зөвлөлүүдийн  хийж хэрэгжүүлсэн ажлыг 20 гаруй үзүүлэлтээр үнэлж, ажлыг нь  дүгнэхэд  Орхон аймгийн Хөдөлмөрийн аюулгүй байдал эрүүл ахуйн салбар зөвлөл Монгол Улсын 21 аймаг 9 дүүргээс шилдэг салбар зөвлөлөөр шалгарлаа. Өнөөдөр шагналыг  Хөдөлмөр нийгмийн хамгааллын яамны харьяа Хөдөлмөрийн аюулгүй байдал, эрүүл мэндийн төвийн дарга М.Даваабат Засаг даргын орлогч А.Түвшинжаргалд гардууллаа.

     Үйлдвэрлэлийн орчин нөхцөлийг сайжруулах, ажилтныг ажлын байран дахь осол, мэргэжлээс шалтгаалсан өвчлөл болон бусад эрсдэлт хүчин зүйлийн нөлөөллөөс хамгаалах, урьдчилан сэргийлэх, ХАБЭА-н үйл ажиллагааг хэрэгжүүлэхэд шаардлагатай дэвшилтэд технологийг нийтийн хүртээл болгох, хөдөлмөрийн аюулгүй байдал, эрүүл мэндийн эерэг соёлыг түгээх нь  тус аяны зорилго юм.

       Орхон аймгийн Хөдөлмөрийн аюулгүй байдал эрүүл ахуйн зөвлөлийг Засаг даргын Нийгмийн хөгжлийн асуудал хариуцсан орлогч А.Түвшинжаргал ахалдаг бөгөөд аймгийн Ажил олгогчдын нэгдсэн холбоо, Үйлдвэрчний эвлэл, ЗДТГ-аас тус бүр гурван гишүүн багтаж 9 хүний бүрэлдэхүүнтэй ажилладаг. Ингэхдээ Хөдөлмөрийн тухай хууль тогтоомжийг хэрэгжүүлэх, хөдөлмөрийн аюулгүй байдлыг хангаж, ажлын байрны осол гэмтлээс урьдчилан сэргийлэхийг гол зорилго болгож, үүнтэй холбоотой зардлыг аймгийн ИТХ-аар батлуулдгаараа бусад аймгуудаас онцлогтой юм.

      Сарын аяны хүрээнд  Эрүүл аюулгүй ажлын байрыг эрхэмлэгч байгууллага” болзолт уралдааныг зарласан. Уг уралдаанд Орхон аймгийн хоёр аж ахуйн нэгж шалгарсан нь IV цэцэрлэг, “Ачит-Ихт” ХХК юм.

 

Хаха 0 0 Таалагдсан 0 Гунигтай 0 Нүдний булай 0 Пөөх

Сэтгэгдэл бичих

АНХААР! Сэтгэгдэл хэсэгт ёс бус бичвэр оруулахыг хориглоно. *

НИЙТ СЭТГЭГДЭЛ 0