Ховд аймгийн Дарви суманд болсон бага насны хүүхдийг олон цагаар гавлан саатуулсан байж болзошгүй хэргийн талаар Ховд.мн сурвалжилжээ.
13 настай охиныг гавлаж хонуулаад буу тулгаж, биед нь халдсан гэх хэсгийн төлөөлөгч, цагдаагийн дэслэгч Б.Мөнхбаатар тухайн өдөр би эхнэртэйгээ гэрт нь очсон гэдгээ хэллээ. Охин болоод түүний 2 дүүг цагдаагийн өрөөнд аваачиж цаг орчим болсон. Буу тулгаж, гавлаж, биед нь халдсан зүйл байхгүй, 13 настай охин худал ярьж байна хэмээв. Тухайн хэрэг прокурорын хяналтан дор Дарви сумын цагдаагийн хэсэг дээр шалгалтын ажиллагаа үргэлжилж байгаа гэв.