“The Penthouse" киноны Ха Юн Чол хуримаа хийнэ

Жүжигчин Юн Жон Хүн өөрөөсөө 10 насаар дүү жүжигчин Хан Ын Сотой гэрлэх гэж байгаа талаар "Hankook Ilbo" сонин мэдээлжээ.  Юн 11-р сарын 1-нд Сөүл дэх хуримын ордонд хуримаа хийх юм байна.

1984 онд төрсөн Юн болон 1994 онд төрсөн Хан нар анх 2018 онд SBS телевизийн "Return" олон ангит кинонд хамтран тоглох үеэрээ танилцжээ. Тэдний харилцаа улмаар хайр сэтгэлийн холбоо болон хувирч, олон жил үерхсэний эцэст гэрлэх шийдвэр гаргасан байна. Хан нь 2008 онд KBS2 телевизийн "The Great King, Sejong" түүхэн цувралаар жүжигчний гараагаа эхлүүлж байв. Тэрбээр хожим "Will It Snow for Christmas?", "High Kick: Revenge of the Short Legged", "Phantom", "Return" зэрэг олон ангит кинонуудад тоглосон бөгөөд хамгийн сүүлд JTBC телевизийн "Beyond the Bar" цувралд дүр бүтээжээ.

Гэрлэх тухай мэдээлэл цацагдсаны дараа Юн өөрийн фэнүүдийн бүлгэмд гараар бичсэн захидлаа хуваалцаж, "Би өөрт маш үнэ цэнтэй нэгэнтэй учирсан бөгөөд одоо түүнтэй хамт амьдралын замд алхахаар шийдлээ. Бид бие биеэ хайрлан, ойлголцож, харилцаагаа улам бэхжүүлсний эцэст гэрлэлтээр дамжуулан шинэ эхлэлийг тавих гэж байна. Цаашид би нөхөр болон жүжигчин Юн Жон Хүн гэсэн үүрэг хариуцлагаа ухамсарлан амьдрах болно. Та бүхэн миний аз жаргалыг хуваалцаж, бидэнд ерөөлөө хайрлавал би туйлын талархах болно" хэмээжээ. 

Юн 2006 онд "Moonlight Trunk" жүжгээр анх тайзнаа гарч байсан бөгөөд түүнээс хойш "Monstar", "Reply 1994", "Misaeng: Incomplete Life", "Hello, My Twenties!", "Return", "Find Me in Your Memory" зэрэг олон бүтээлд тоглосон. Тэрбээр SBS телевизийн амжилттай цуврал болох "The Penthouse" кинонд Ха Юн Чолын дүрийг бүтээснээрээ олонд танигдсан билээ. Одоогоор тэрээр KBS телевизийн өдөр тутмын "Our Happy Days" олон ангит кинонд тоглож байна.

https://www.koreatimes.co.kr/entertainment/20260908/the-penthouse-actor-yoon-jong-hoon-to-marry-actress-han-eun-seo