“БЯРТАЙ” сайд нар үүрэгт ажилдаа орлоо

Засгийн газрын гишүүдийг томилуулах тухай Ерөнхий сайдын саналыг УИХ хоёр өдөр хуралдаж Монгол Улсын Засгийн газрын гишүүдийг томилох УИХ-ын тогтоол батлагдлаа. Ийнхүү 30 дахь Ерөнхий сайд У.Хүрэлсүхийн тэргүүлэх шинэ танхим бүрдлээ. Хэн, хэн сайд болсныг эргэн сануулъя:

• Шадар сайд Ө.Энхтүвшин
• Засгийн Газрын Хэрэг Эрхлэх Газрын дарга Г.Занданшатар
• Байгаль Орчин Аялал Жуулчлалын сайд Н.Цэрэнбат
• Батлан Хамгаалахын сайд Н.Энхболд
• Гадаад Харилцааны сайд Д.Цогтбаатар
• Сангийн сайд Ч.Хүрэлбаатар
• Хууль Зүй, дотоод хэргийн сайд Ц.Нямдорж
• Хөдөдмөр Нийгмийн Хамгааллын сайд С.Чинзориг
• Барилга Хот Байгуулалтын сайд Х.Баделхан
• Боловсрол Соёл, Шинжлэх Ухаан, Спортын сайд Ц.Цогзолмаа
• Зам Тээвэр Хөгжлийн сайд Ж.Бат-Эрдэнэ
• Уул уурхай, Хүнд үйлдвэрлэлийн сайд Д.Сумъяабазар
• Хүнс, Хөдөө Аж Ахуй Хөнгөн Үйлдвэрлэлийн сайд Б.Батзориг
• Эрчим Хүчний сайд Ц.Даваасүрэн
• Эрүүл Мэндийн сайд Д.Сарангэрэл гэсэн 15 гишүүний бүрэлдэхүүнтэй ажиллана. Ийнхүү  У.Хүрэлсүхийн Засгийн газар бүрэн бүрэлдэхүүнээрээ ажиллаж эхэлж байна.

Дашрамд дурдахад, Шинэ Засгийн газрын танхим 100 хувь УИХ-аас буюу давхар дээлтэй гишүүдээс бүрдэж байгаа юм. Үүнийгээ Ерөнхий сайд “Засгийн газрын бодлого үйл ажиллагааг хэрэгжүүлэхэд парламентаас дэмжлэг авах чухал ач холбогдолтой” гэж тайлбарласан. Мөн салбартаа туршлагатай, ажил хийх, чадалтай эрхмүүдээр Засгийн танхимаа бүрдүүлж байгаагаа гэлээ. Түүнд “БЯРТАЙ” сайд нар хэрэгтэй.

Г.Сүх