Малдаа яваад сураггүй болсон 26 настай эмэгтэйг зургаадахь өдрөө хайж байна

Увс аймгийн Тариалан сумын Бургастай багийн нутаг аймгийн төвөөс зүүн урд зүгт 45 км, сумын төвөөс баруун хойд зүгт 50 км зайтай Маш хэмээх газарт малчин 26 настай эмэгтэй А аравдугаар сарын 15-ны 07:00 цагийн орчимд малаа хайж яваад, сураггүй болсон. Энэ тухай дуудлагыг тухайн өдрийн 16:50 цагт өгсөн байна. Тус аймгийн Онцгой байдлын газар, Эрэн хайх аврах салбарын алба хаагчид, сумын Мэргэжлийн анги, ар гэрийнхэн иргэн А-г эрэн хайх ажиллагааг зохион байгуулж байна гэж ОБЕГ-аас мэдээлэв.