Намын даргын тамганы төлөөх дайн хэний ялалтаар төгсөх бол

Өнгөрсөн баасан гаригт /2017.12.10/-ны өдөр УИХурлын гишүүн О.Баасанхүү тэргүүтэй МАХН намын  гишүүд төрийн ордонд намынхаа их хурлыг хийсэн. Энэ үеэр О.Баасанхүү гишүүн өөрийгөө намын даргад нэр дэвшүүлж түүнийгээ батлуулсан билээ. Үүнийг эсэргүүцсэн тамганы эзэн одоогийн намын дарга Н.Энхбаяр тэргүүтэй бусад гишүүд удаахь өдөр нь Ням гаригт /2017.12.10/ ээлжит намын хурлаа хийж О.Баасанхүү  гишүүний зохион байгуулсан хурлыг хүчингүй хууль бус хэмээж, О.Баасанхүүг Гүйцэтгэх товчооноос хасч, Бага хурлын гишүүн болгосон болон намаасаа хөөнө гэх мэдэгдлүүдийг гаргасан. О.Баасанхүү   гишүүн мөчөөгөө өгөлгүй Н.Энхбаяр намын дарга бус намын гишүүн болсон. Үүнийг тогтоолоор шийдсэн гэж мэдэгдлээ. Намаасаа ганцаархнаа УИХурлын суудалд заларч  Парламентад намаа төлөөлөх болсон О.Баасанхүү  гишүүныг Намын дарга болоход буруудахгүй юмгүй хэмээн итгэж гарын үсгээ зурсан гишүүд байхад, үүнийг эсэргүүцсэн Н.Энхбаяр тэргүүтэй фракц цаана нь ажлаа хийсээр л. Ху Намын гишүүд дотор О.Баасанхүү  гишүүнийг бусдын /МАНАН/ гар хөл болсон, тэдний явуулгаар Намын даргын суудалд санаархах болсон гэж үзэх хүмүүс байхад, нам нь ялагдсан ч ялзарсан ч ямарч хариуцлага хүлээдэггүй өнөөх л намын даргын суудалдаа шигдэж суудаг Н.Энхбаярыг МАХНамын доош унах шалтгаан гэж үзэх гишүүд ч мөн байна.Юутай ч тааварлахад нэн бэрх Намын даргын тамганы төлөөх дайн хэний ялалтаар төгсөхийг гагцхүү долоон буудын должин эмээ л мэдэж байгаа буй за.