Өнөөдөр аутизмыг таниулах өдөр

Аутизм гэж юу вэ?

Тэд хоол иддэг, унтдаг, баярладаг мөн заримдаа гунигладаг энгийн л хүн. Яг л тан шиг. Ялгаа нь юу вэ? гэвэл

• Аутизмтай хүүхдүүдийн зарим нь хэл ярианы хоцрогдолтой, хүмүүстэй найз болж харилцаа тогтоож чаддаггүй мөн өөрчлөлтийг хүлээн авч, шинэ орчинд дасан зохицохдоо муу байдаг.

Тэнгэрлэг Ээжүүд клубээс жил бүр АУТИЗМ-ыг олон нийтэд таниулах ажлыг хийсээр байна. Жил бүр дэмжих хувь хүн, байгууллага ихсэж байгаад хамгийн их баяртай байна.

• Энэ бол өвчин биш. Энэ бол харилцааны эмгэг юм.

Гэхдээ аутизмтай хүүхдүүдийн дунд ирээдүйн хөгжимчин, математикч, зураач, программист гээд бүгд байгаа. Яг л бусад хүмүүсийн адил.

Аутизмтай хүмүүстэй онцгой эсвэл өөр мэтээр харьцахыг тэд хүсдэггүй. Зүгээр л найз шиг байхыг тэд хүсдэг.

Харин тэдний ирээдүйг гэрэлтэй болгохын төлөө таны оролцоо юу вэ гэж үү? Зүгээр л ойлгож байгаагаар нь хүлээн авч байгаарай.