Нүцгэн суулт зарласан иргэдийг зохион байгуулсан гэх  Э-г цагдан хорино

Нүүрсний экспорт, тээвэрлэлттэй холбоотой асуудлаар ерөнхий хяналтын сонсголыг зохион байгуулдаг өдөр/2022.12.21/ Төрийн ордны баруун хаалганы дэргэд 30 иргэн нүцгэн суулт зарласан. Уг суултыг зохион байгуулсан гэх иргэн Э-г цагдан хорих шийдвэрийг шүүхээс гаргажээ.

Тодруулбал, энэ сарын 23-нд Сүхбаатар дүүргийн эрүүгийн хэргийн анхан шатны шүүхээс Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1.3-д заасан үндэслэлээр нэг сар цагдан хорих таслан сэргийлэх арга хэмжээ авсан байна.