Зул, хүж асаахдаа галын аюулгүй байдлыг хангахыг анхааруулав

Сар шинийн баярын өдрүүдэд айл өрх зул, хүж, лаа, дэн асаахдаа галын аюулгүй байдлыг хангаж, хяналтгүй орхихгүй байхыг Онцгой байдлын ерөнхий газраас анхаарууллаа. Тодруулбал, зориулалтын бус, хуванцар материалтай, гал дэмждэг, галд амархан хайлдаг материалтай зүйлсийг гадуур их худалдаалдаг. Тэдгээрээс үүсэх эрсдэл гэж бий. Зул бадрааж орхичихоод хараа хяналтгүй орхих нь аюултай. Зулыг төмөр, шилэн гэх мэт тусгай саванд хамгаалалттайгаар бадраах нь зөв. Эндээс ямар эрсдэл үүсч болох вэ гэдгийг бодолцох нь хайртай хүмүүсээ яаж хамгаалах вэ гэдгээ бодож байгаатай адил гэсэн юм.