Ирэх баасан гарагт 40,000 тун “Спутник V” вакцин ирнэ

Монгол Улс энэ сарын 30-нд 40,000 тун "Спутник V" вакциныг татан авахаар болсныг УИХ-ын гишүүн Д.Цогтбаатар өөрийн цахим хаягаар дамжуулан мэдэгдлээ.

Тэрээр "40 мянган тун “Спутник V” вакцин дөрөвдүгээр сарын 30-нд ачигдаж, Инчоноор дамжин Монголд ирэхээр болж" хэмээн твиттер хаягтаа мэдээлжээ. 

Өмнө нь манай улс ОХУ-аас нэг сая тун “Спутник V” вакциныг худалдан авахаар гэрээлсэн бөгөөд үүний эхний ээлжийг дөрөвдүгээр сард багтаан авна хэмээн УОК-оос мэдээлж байв.

Мөн ОХУ-аас 300,000 тун “Спутник V” вакциныг хүмүүнлэгийн тусламжаар нийлүүлэхээ мэдэгдсэн байна.