AFR: Эпштейн урт удаан хугацааны хэлхээ холбоо нь Монгол төдийгүй Рио Тинтотой ч холбогдов
Жеффри Эпштейн нь эдийн засгийг сэргээх, Рио Тинтогийн 11 тэрбум ам.долларын өртөгтэй зэсийн төслийн бүтээн байгуулалттай холбоотой гацааг шийдвэрлэхэд туслах зорилгоор Австралийн Ерөнхий сайд асан Кевин Радд зэрэг зургаан зөвлөхийн нэг байсан.
Эпштейн нь педофил байсан бөгөөд 2019 онд АНУ-ын шоронд нас барахдаа бэлгийн наймааны хэргээр буруутгагдаж ял эдэлжэ байсан юм.
Эпштейн 2013 онд тухайн үеийн Монголын Ерөнхийлөгч Цахиагийн Элбэгдоржтой хамт хооллож, улс орны эдийн засгийн талаар зөвлөгөө өгөх талаар ярилцаж байсан нь АНУ-ын Хууль зүйн яамнаас ил болгосон баримтад багтжээ.
2013 онд тус улсын хамгийн том хувийн бизнес болох Оюутолгойн зэсийн уурхайг өргөжүүлэх асуудлаар Риогтой хийсэн маргаан бусад гадаадын хөрөнгө оруулагчдыг айлгаснаас болж Монголын эдийн засаг хүндхэн байдалд орж байв.
Эпштейн 2014 оны 1-р сард Ц.Элбэгдоржтой хийсэн уулзалтад Кевин Радд, Израилийн Ерөнхий сайд асан Эхуд Барак, Норвегийн Ерөнхий сайд асан Кьелл Бондевик, АНУ-ын Сангийн сайд асан, Харвардын их сургуулийн ерөнхийлөгч Лоуренс Саммерс зэрэг хүмүүс мөн байжэээ. Эпштейн, Саммерс нар Монгол дахь ажлынхаа талаар байнга холбоотой байдаг.
2014 онд Элбэгдоржтой хийсэн уулзалтын үеэр Саммерс гадаадын хөрөнгө оруулагчид Монголыг өндөр эрсдэлтэй орон гэж үзэж байгааг анхааруулж, Оюутолгойн өргөтгөлийн ажлыг үргэлжлүүлэхийн тулд Риотой тохиролцоонд хүрвэл зээлийн зардлыг бууруулж болзошгүйг сануулсан. Уулзалтын үеэр Монголын Засгийн газар 2009 онд тус уурхайд зориулан байгуулсан хөрөнгө оруулалтын гэрээг шинэчлэхээр хөөцөлдөж байсан тул Рио өргөтгөлийн ажлыг түр зогсоосон юм.
Эпштейнээс хураан авсан баримт бичгүүдийн нэг болох уулзалтын хураангуйд Саммерс “Оюутолгойн уурхайтай холбоотой Рио Тинто болон Монгол Улсын Засгийн газар хоорондын асуудлыг шийдвэрлэснээр хөрөнгө оруулагчдын итгэлийг нэмэгдүүлэх боломжтой” гэжээ.
2010 онд Ерөнхий сайдын албан тушаалд ажиллаж байсан анхны хугацаа нь Рио болон BHP-тэй баялгийн татварын асуудлаар маргаан үүсгэснээр өндөрлөсөн Раддын хувьд уулзалтын үеэр томоохон уурхайчид хууль, дүрмийг үл тоомсорлодог тул Монгол Улс гэрээгээ зөрчөөгүй нь дээр гэдгийг тодотгож байжээ.
Өнгөрсөн сарын сүүлээр “The Sydney Morning Herald” сонинд илчилсэн захидалдаа Эпштейн туслах 2015 оны 9-р сард тухайн үеийн Монголын Ерөнхийлөгчтэй уулзахдаа Радд эхнэр, хүүгийн хамт тус улсад зочилж болох эсэх талаар асуусан гэж бичжээ.
Сэтгэгдэл бичих
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tug.mn хариуцлага хүлээхгүй болохыг анхаарна уу
