Нохой, хүний хоорондын холбоо 15,000 гаруй жилийн өмнө үүссэн болохыг судалгаагаар тогтоожээ

ДНХ-ийн шинжилгээгээр нохой, хүмүүсийн хоорондын байнгын холбоо 15,000 гаруй жилийн өмнө үүссэн болохыг тогтоожээ. “Nature” сэтгүүлд нийтлэгдсэн судалгаа нь гэрийн тэжээвэр нохдын генетикийн хамгийн эртний нотолгоог 5000 жилээр ухраахад хүргэж байна. 15800 жилийн настай хамгийн эртний олдвор нь Туркийн Анатолид хүний ​​шарилын хажуугаас олсон байна. 14300 жилийн настай хоёр дахь хамгийн эртний олдвор нь Сомерсет дахь Гоугийн агуйгаас олжээ.

Мюнхений Людвиг Максимилианы их сургуулийн доктор Лачи Скарсбрук "Энэ нь 15,000 жилийн өмнө Сомерсетээс Сибирь хүртэл Еврази даяар тэс өөр удам угсаатай ноход аль хэдийн оршин тогтнож байсны баталгаа юм” гэжээ.

Өмнө нь археологийн нотлох баримтаас үзэхэд нохойг мөстлөгийн сүүлчийн үе дуусахаас өмнө буюу 12,000 жилийн өмнө саарал чоныг  гаршуулахаас үүдэлтэй гэж нотолж байсан. Судалгааны үр дүнд ноход дор хаяж 14000 жилийн өмнө Европ болон баруун Ази даяар аль хэдийн тархаж байсныг харуулжээ. Туркээс олдсон ясны изотопын шинжилгээгээр нохойнууд загасаар баялаг хоол хүнс хэрэглэж байсан нь тухайн нутгийн хүний ​​хоолны дэглэмд нийцсэн болохыг тогтоожээ.

Үүнтэй төстэй хооллолтын хэв маяг бусад газруудад ажиглагдсан нь нохойг хүмүүс зориудаар хооллодог байсныг баталж байгаа юм. Мюнхений Людвиг Максимилианы их сургуулийн профессор Лорен Франц, ахлах зохиолч, "Хүмүүс нохойгоо солилцдог байсан нь эдгээр амьтад чухал байсан гэсэн үг. Тэд гэрийн тэжээмэл амьтад байхаас гадна ямар нэгэн зорилготой байсан байх. Нохой нь агнуурын үр ашгийг дээшлүүлсэн эсвэл махчин амьтдын эсрэг эрт сэрэмжлүүлэх систем болдог байсан байж магадгүй” гэжээ.

https://www.theguardian.com/science/2026/mar/25/bond-dogs-humans-dates-back-15000-years-study-finds