Хөгжлийн банкны хэргийг шүүх хурал гуравдахь өдрөө үргэлжилнэ

"Хөгжлийн банк"-ны гэх тодотголтой хэрэг дөрвөн жил сунжирч, энэ хугацаанд анхан шатны шүүхэд хоёр, давж заалдах шатны шүүхэд нэг, УДШ нэг удаа шүүсэн. Хамгийн сүүлд буюу Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээс гурван аж ахуйн нэгж, 19 хүнийг буруутган яллаж, 23-ыг нь цагаатгах шийдвэр гаргасан билээ. Улмаар анхан шатны шүүхийн шийдвэрийг Ц.Гансүлд, Б.Ганбулган, Б.Мөнгөншагай, Х.Онолт гэх дөрвөн прокурор эсэргүүцэл бичсэнээр дахин шүүх болсон билээ. Улмаар Нийслэлийн Эрүүгийн хэргийн Давж заалдах шатны шүүхэд тус хэргийг шүүх хурал гуравдахь өдрөө үргэлжилж байна. Өчигдрийн хуралдаанаар хэргийн зарим оролцогчид тайлбар өгч, шүүгчийн асуултад хариулсан байна.