Улс орнууд нүүрсээр ажилладаг цахилгаан станцуудынхаа үйл ажиллагааг зогсоох хугацааг хойшлуулж байна
Ойрхи Дорнод дахь мөргөлдөөний улмаас эрчим хүчний хямрал хурцдаж байгаа энэ үед БНСУ-ын Засгийн газар цахилгаан эрчим хүчний хангамжаа баталгаажуулах гэж хичээж байгаа тул нүүрсээр ажилладаг цахилгаан станцуудаа зогсоохоо хойшлуулжээ. Уур амьсгал, эрчим хүч, байгаль орчны яамны ахлах албан тушаалтан даваа гарагт “The Korea Times” сонинд ярилцлага өгөхдөө, тус яам энэ онд хаахаар төлөвлөж байсан нүүрсээр ажилладаг гурван цахилгаан станцын үйл ажиллагааг сунгана хэмээсэн байна.
Нүүрстөрөгчийн хийг бууруулах бодлогын дагуу тэдгээрийг ойрын арван жилд шингэрүүлсэн хий, сэргээгдэх эрчим хүчний хүчин чадлаар аажмаар солих төлөвтэй байсан. Төрийн мэдлийн Өмнөд Солонгосын үндэсний газрын тосны корпорацын удирддаг шатахууны үнийн мэдээллийн систем болох “Opinet”-ийн мэдээлснээр, улсын хэмжээнд шатахууны дундаж үнэ литр тутамдаа 1878 вон буюу 1.24 ам.долларт хүрч, өмнөх өдрийн 1865 воноос өссөн байна.
Гуравдугаар сарын 13-наас шатахуун түгээх станцуудад нийлүүлэх шатахууны үнэд дээд хязгаар тогтоож эхэлсэн Засгийн газар өнгөрсөн баасан гарагт үнийг хязгаарлах схемийн хоёр дахь шатанд орж, дээд хязгаарыг энгийн бензин литр тутамд 210 воноор нэмэгдүүлж 1,934 вон, дизель түлшийг 1,923 вон болгосон.
Дэлхийн улс орнууд эрчим хүчний хомсдолд орж байгаа энэ үед Японы Засгийн газар саяхан нүүрсний хэрэглээнд тавьсан хязгаарлалтыг сулруулах шийдвэр гаргажээ.
Төстэй мэдээлэл
Сэтгэгдэл бичих
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tug.mn хариуцлага хүлээхгүй болохыг анхаарна уу
