Бритни Спирс Сэм Асгари хоёр салахаар шийджээ

   2016 онд “Slumber Party” дууны клипийн зураг авалтын үеэр анх танилцан дотносож өнгөрсөн онд гэрлэлтээ батлуулсан 41 настай Бритни Спирс, 29 настай Сэм Асгари нар салж байгаа талаар "Variety", " NBC зэрэг эх сурвалжууд мэдээллээ. Сэм Асгари Бритниг хуурсан талаар цуурхал гараад байгаа бөгөөд Бритни Спирсийн ойрын эх сурвалж "Бритнигийн сайн сайхны төлөө салж байгаа" хэмээжээ.  Тэд анх 2021 оны есдүгээр сард сүй тавьснаа зарлаж, 2022 оны зун Бритнигийн Лос Анжелес дахь гэрт 70 гаруй зочидтой даруухан хуримын ёслол хийсэн юм. Бритни Спирс Сэм Асгари хоёр өнгөрсөн онд хүүхэдтэй болсон ч хэвлийдээ тээх үедээ алдсан харуусалт үйл явдал болсон билээ.