АН-ын бүлэг ажлын нэг хоногийн завсарлага авлаа

Сөрөг хүчин гэгдэх АН УИХ-ын чуулганы хуралдаанд суухаасаа илүүтэйгээр завсарлага авдаг жишиг тогтлоо. Энэ удаад ч УИХ-ын чуулганы хуралдаанаар УИХ-ын гишүүн Н.Алтаншагай нарын 21 гишүүнээс өргөн мэдүүлсэн "Гадаад зээллэгийн ашиглалт, үр ашгийг нэмэгдүүлэх" тухай хуулийн төслийн эцсийн хэлэлцүүлгийг хийхээр байв.

Гэтэл АН-ын Бүлгийн дарга О.Цогтгэрэл дээрх хуулийн төслийг даваа гарагийн бүлгийн хурлаараа хэлэлцэх шаардлагатай гэж үзэн "Монгол Улсыг хоёр төсөвтэй болгох үзэл санаа энэ хуулийн цаана агуулж байна. Өр, зээлийг дураараа нэмдэг байх үзэл санааг нягтлан шалгах хэрэгтэй" гэлээ.