Дундговь аймгийн Засаг даргаас 2026 онд соёлын зориулалтаар идлэг шонхор шувууг аймгийн хэмжээнд бариулахгүй гэсэн чиглэлийн дагуу энэ сарын 8-9-ний хооронд малчдаас ирсэн долоон дуудлага, мэдээллийн дагуу хэсгийн төлөөлөгч А.Дэчинцог, Хараат багийн Засаг дарга Г.Жаргалмаа нар Их бага цэгээн, Нүдэнгийн ухаа, Богтотын гол, Улаан нуур, Өндөр сүүж, Хадат ам, Адгийн шанд, Номт, Баруун гурав, Сүмийн дөрвөлж, Ар могой, Өвөр могой гэх газруудаар нийт 440 км явж шонхор барих таван араб, нэг монгол орчуулагчийг саатуулж, автомашинд үзлэг хийжээ.
Шалгалтаар 30 гаруй тооны тагтаа байсныг илрүүлж, сумын Байгаль орчны хяналтын улсын байцаагчид хүлээлгэн өгч торгуулийн арга хэмжээг авч, барьсан тагтааг буцаан тавиулсан байна.
