Путин, Ши, Трамп нар энэ сарын 18, 19-нд болох АПЕК-ийн уулзалтын үеэр уулзана

ОХУ-ын Ерөнхийлөгч Владимир Путин энэ сарын сүүлээр Хятадын дарга Ши Жиньпин, АНУ-ын Ерөнхийлөгч Дональд Трамп нартай уулзахаар төлөвлөж байна. Кремлийн хэвлэлийн төлөөлөгч Дмитрий Песков мягмар гарагт "Уулзалтыг зохион байгуулах чиглэлд бэлтгэл ажил үргэлжилж байна" гэжээ.

Энэ сарын дундуур Ази, Номхон далайн эдийн засгийн хамтын ажиллагааны (APEC) дээд хэмжээний уулзалтыг зохион байгуулах гэж буй Хятад улсад уг арга хэмжээний бэлтгэл ажил үргэлжилж байгаа энэ үед дээрх мэдэгдлүүд гарч байна. APEC-ийн дээд хэмжээний уулзалт энэ сарын 18, 19-ний өдрүүдэд Хятадын Шэньжэнь хотод болох бөгөөд гурван улсын удирдагч бүгд оролцохоо мэдэгдээд байгаа юм. 74 настай Путин гурван талт уулзалт хийх саналыг олон нийтийн өмнө тавьж эхэлсэн юм. "Гурван талт уулзалт хийх боломжийн талаар хэвлэл мэдээллийн хэрэгслүүд ярьж байгааг би мэдэж байна. Үүнийг бүрэн дэмжиж байна" гэж мэдэгдсэн.

Тэрбээр "Энэ нь уг арга хэмжээг зохион байгуулагч Хятад улсаас ихээхэн хамаарна. Гэхдээ дахин хэлэхэд, уулзалтууд үргэлж ач холбогдолтой байдаг. Учир нь, уулзалтын үеэр санал бодлоо солилцох, байр сууриа тодруулах боломжийг олгодог юм. Хамгийн чухал зүйл бол энэхүү гурван талт дээд хэмжээний уулзалтын үндэс суурь болох асуудлуудыг тодорхойлох, мөн хэлэлцээний сэдвүүдийг тогтоох явдал юм" гэжээ. Трамп ч мөн ийм уулзалт хийх боломжид нээлттэй хандаж байгаагаа илэрхийлсэн.   

Германы Ерөнхийлөгч Франк-Вальтер Штайнмайерийн мэдээлснээр, 73 настай Ши Жиньпин  энэ талаар асуухад уулзалтын сэдэв дунд Украин багтаж болзошгүй гэдгийг сонсоод гайхсан хариу үйлдэл үзүүлсэн байна. Гэхдээ тэрбээр Штайнмайерт хэлэхдээ, гурван улсын удирдагч APEC-ийн (Ази, Номхон далайн эдийн засгийн хамтын ажиллагаа) үеэр өөр олон сэдвээр ярилцана гэж найдаж байгаагаа илэрхийлжээ. Украины Ерөнхийлөгч Володимир Зеленский хэлэхдээ, Орос, Хятад, АНУ-ын уулзалт болохоос өмнө Орос, Украин, АНУ гурав ширээний ард сууж ярилцах нь зүйтэй гэж үзэж байгаагаа илэрхийлсэн байна.

https://www.yahoo.com/news/politics/articles/kremlin-reveals-plans-three-way-175243801.html