ТАСС: Монголд агаарын тээврийн шатахуун нийлүүлэх тухай протоколыг баталлаа

Монгол Улсыг онгоцны түлшээр хангах тухай Засгийн газар хоорондын хэлэлцээрт нэмэлт, өөрчлөлт оруулах тухай протоколд Орос, Монгол Улсын холбогдох төлөөлөгчид гарын үсэг зурсан талаар ОХУ-ын Эрчим хүчний яамнаас мэдээлжээ. Баримт бичигт ОХУ-ын Эрчим хүчний сайд Сергей Цивилёв, Монгол Улсын Үйлдвэр, эрдэс баялгийн сайд Г.Дамдинням нар гарын үсэг зурсан байна.

"Баримт бичигт ОХУ-ын агаарын тээврийн түлшийг Монгол Улсад харилцан ашигтай байдлаар нийлүүлэхийг тусгасан. Протоколд гарын үсэг зурахын өмнө хоёр улсын эрчим хүчний байгууллагуудын хэрэгжүүлж буй хамтын ажиллагааны техникийн болон арилжааны параметрүүдийг нарийвчлан авч үзсэн" гэж ОХУ-ын Эрчим хүчний яамнаас тодотгожээ. Монгол Улсыг нисэхийн түлшээр хангах тухай Засгийн газар хоорондын хэлэлцээрийг 2024 онд байгуулсан бөгөөд уг хэлэлцээр нь хуулийн дагуу шаардлагатай үйл ажиллагаа дууссаны дараа хүчин төгөлдөр болж, хэрэгжих төлөвтэй байна.

https://tass.com/economy/2118885