УИХ дахь намын бүлгүүд 10.00 цагаас хуралдана

Долоо хоног бүрийн даваа гарагт УИХ-д суудалтай МАН, АН-ын бүлэг болон ХҮН намын зөвлөл тус тус хуралдан, тухайн долоо хоногт УИХ-аар хэлэлцэх хуулийн төслүүд, цаг үеийн асуудлуудаар мэдээлэл сонсож, байр сууриудаа нэгтгэдэг. Энэ дагуу өнөөдөр 10.00 цагаас намууд  хуралдаанаа хийнэ. Энэ долоо хоногт УИХ-аар Засгийн газраас өргөн мэдүүлсэн татварын багц хууль, Тэтгэврийн шинэчлэл буюу нийгмийн даатгалын ерөнхий хуульд нэмэлт, өөрчлөлт оруулах тухай хуулийн төсөл, Ж.Баярмаа нарын гишүүдийн өргөн мэдүүлсэн ХХОАТ-ыг нэг хувь болгон бууруулах тухай хуулийн төслүүд багтаж буй юм. Эдгээр асуудлаар намууд байр сууриа нэгтгэнэ.