"Эрүүдэн шүүгч" Б.Хурц эрх чөлөөг эрхэмлэгч Тайвань руу томилогдох гэж байна

Хуваалцах:

Олон улсад баривчлагдаж, Монгол Улсын гурван шатны шүүхээр гэмгүй иргэдийг эрүүдэн шүүсэн хэргээр ял авсан Батын Хурц “Тайвань-Улаанбаатар хотын Худалдаа, Эдийн засгийн Төлөөлөгчийн газар”-ын тэргүүн болох гэж байна.

Хамтарсан Засгийн газар байгуулагдсанаас хойш гадаадад суух элчин сайд, консулуудын томилгоонд олны анхаарлыг татаж, тус албан тушаалд яригдаж буй нэрс ч иргэдийг ихээр бухимдуулаад байгаа юм. Үүний ээлжит нэгэн жишээ болж, Тагнуулын ерөнхий газрын дарга асан Б.Хурцыг Тайваньд төлөөлөгчийн газрын тэргүүнээр томилохоор болжээ.

Өнгөрөгч онд буюу 2024 онд болсон УИХ-ын сонгуульд тэрбээр намын жагсаалтаар, эсвэл Чингэлтэй дүүргээс нэр дэвших хүсэлтэй байсан ба ямар ч нам муу түүхтэй түүнийг нэр дэвшүүлж эрсдэл үүрэхийг хүсээгүй юм. Хэдий тийм ч Б.Хурцыг аливаа албан тушаалд томилох оролдлого, санаархал өнөө ч байсаар буй нь түүнд барьцаалагдсан улс төрчдийн хүсэл бас хясал гэлтэй.

2006 онд Европын холбооны нутаг дэвсгэрт үйлдсэн гэмт хэргийнхээ улмаас 2010 онд Их Британийн Онц Ноцтой, Зохион Байгуулалттай Гэмт Хэрэгтэй Тэмцэх Агентлагт баривчлагдаж байсан Б.Хурцыг Ц.Элбэгдорж Ерөнхийлөгч болсон даруйдаа суллуулж байсан түүхтэй. Мөн тэрбээр ТЕГ-ын даргаар ажиллаж байх үедээ бусдыг зохион байгуулалттайгаар эрүүдэн шүүсэн хэрэгт буруутгагдаж, Монгол Улсын гурван шатны шүүхээс 1 жил 6 сарын хорих ялаар шийтгэгдсэн билээ. Ерөнхийлөгч асан Х.Баттулга Өмнөд Солонгост суух Элчин сайдаар Б.Хурцыг томилсон боловч Солонгосын тал удаа дараалан хүний эрхийг зөрчин, эрүүдэн шүүсэн гэмт хэрэгтнийг хүлээж авахаас татгалзаж байсан юм.

Өнгөрөгч оны сүүлээр Хонконгд суух Ерөнхий консулаар Үндсэн хуулийн цэцийн дарга асан, "өгзөг" Д.Одбаярыг томилсон шуугиан ч намжиж амжаагүй байна. Онгоцны үйлчлэгчийн биед халдаж, олон улсад "хөгөө дэлгэсэн" Д.Одбаярын тус томилгоог ч Хонконгийн талынхан ихэд дурамжхан хүлээн авсан гэдэг. Гэтэл хүний эрхийг эрхэмлэн хамгаалдаг Тайваньд "эрүүдэн шүүгч", Англид баривчлагдсан түүх нь одоо ч гадаадын сайтуудад гараад ирэх Батын Хурцыг томилох гэж байгаа нь Монгол Улсын гадаад харилцааны бодлого, соёлыг муухай харагдуулж байна.

Хуваалцах:

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tug.mn хариуцлага хүлээхгүй болохыг анхаарна уу

Зочин 2025-04-15 08:16:02

Энэ муухай үхсэн хүүр Хүзүүгүй хүүртэй нийлэж Зоригийг алсан Мөн САЛГА БАТҮҮЛ ЯАХ ВЭ БУРХАН..ТА НАРЫГ 9.НЬ ҮЁЭР ЧИНЬ АЛААД ӨГНӨ ТА НАРЫН ҮР ҮНДЭС ХЭЗЭЭЧ МОНГОЛ ОРОНД БАЙХГҮЙ АРЧИГДАНА МЭДҮҮ ХҮҮР СҮГНҮҮДЭЭ

Зочин 2025-04-14 17:38:17

Зоригийн алагдсан хэрэг гүйцэтгэх ажлын хүрээнд батлагдсан хэрэг гэж би үздэг хүний нэг захиалагчийг олох ажлыг Нямдорж саад учруулж байгаа нь нямдорж сэжигтэй байна.

Зочин 2025-04-14 17:38:17