МЭДЭЭОнцлох

ХХБ-ны ТУЗ-ийн дарга Д.Эрдэнэбилэгийг 30 хоног цагдан хорихоор болжээ

Хуваалцах:
ХХБ-ны ТУЗ-ийн дарга Д.Эрдэнэбилэгийг 30 хоног цагдан хорихоор болжээ

Худалдаа хөгжлийн банкны ТУЗ-ийн дарга “сахал” Д.Эрдэнэбилэгийг дөнгөж сая /2019.05.28/ 30 хоногоор хорих шийдвэрийг шүүхээс гаргажээ.

Түүнийг “Эрдэнэт” Үйлдвэрийн 49 хувьтай холбоотой асуудлаар Эрүүгийн цагдаагийн албаны Эдийн засгийн гэмт хэрэгтэй тэмцэх хэлтсээс өнгөрсөн гуравдугаар сарын 5-нд Д.Эрдэнэбилэг, О.Орхон, Ц.Пүрэвтүвшин нарыг саатуулаад сулласан юм.

Сүхбаатар дүүргийн шүүх энэ сарын 21-нд цагдан хорионы асуудлыг хэлэлцэх үеэр Д.Эрдэнэбилэгийн өмгөөлөгч н.Нямдорж шүүгч Х.Идэрээс татгалзсан. Улмаар тус дүүргийн ерөнхий шүүгч захирамж гаргаж Б.Дуламсүрэн шүүгчид уг асуудлыг шилжүүлсэн. Гэвч Б.Дуламсүрэн өчигдөр /2019.5.27./ энэ асуудлыг шийдэх шүүхийн харьяалал тогтоолгох нь зүйтэй гэсэн шийдвэрийг гаргасан.

Тэгвэл уг асуудлыг шийдэх хурлыг өнөөдөр /2019.5.28./ орой тус дүүргийн Ерөнхий шүүгч даргалан хэлэлцээд Д.Эрдэнэбилэгийг 30 хоногоор баривчлах тогтоол гаргалаа. Ингэснээр Д.Эрдэнэбилэг нарыг 2019 оны 6 сарын 27 хүртэл хорихоор болж байгаа юм.


Хуваалцах:
1Хаха
2Таалагдсан
0Гунигтай
0Нүдний булай
0Пөөх

Сэтгэгдэл бичих

Зочин 2019-05-30 06:41:38

Diilhiimuu hha

Зочин
Сэтгэгдэл бичих