"Эрдэнэс Тавантолгой” компанид Монгол Улсын иргэн бүр хувьцаа эзэмшдэг. Өнгөрсөн оны ногдол ашгийн эхний хэсгийг шинэ он гарахын өмнө иргэдэд 121,500 төгрөг олгосон бол нэг, хоёрдугаар сард олгох ёстой үлдэгдэл ногдол ашгийг Цагаан сарын өмнөхөн олгох уу гэх хүлээлт иргэдийн дунд үүсээд байна. Энэ талаар "Эрдэнэс Тавантолгой" ХХК-иас өгсөн мэдээллээр, компанийн санхүүгийн тайлан гарсан бөгөөд ТУЗ хоёрдугаар сарын 19-ны өдөр хуралдана. Хэрэв ТУЗ шийдвэр гаргавал үлдэгдэл ногдол ашгийг иргэдийн дансанд шилжүүлнэ гэсэн үг гэв.
