Элон Маск 800 тэрбум ам.долларын хөрөнгөтэй дэлхийн анхны хүн болоод байна

АНУ-ын “Tesla” компанийн захирал, 54 настай Элон Маск 800 тэрбум ам.долларын хөрөнгөтэй анхны хүн болоод байна.  Хэдийгээр түүхэн дэх хамгийн баян хүн болсон ч Маскийн хувьд сүүлийн нэг жил тун хэцүүхэн болж өнгөрсөн. Түүний охин Вивиан ааваасаа бүх холбоогоо тасалсан бол хүүхдүүдийнх нь ээж шүүхээр заргалдаж байгаа. Ерөнхийлөгч Дональд Трамптай ч харилцаа муудаж, шүүмжлэл их сонсох болсон.

Шуугиант Жеффри Эпштиний файлаас түүний нэр олдож, цахим сүлжээгээр Маскийн эрүүл мэнд доройтсон  гэх цуу яриа ч гарсан. Маскийг байнгын стрессээс болж, кетамины хамааралтай болсон гэж сэжиглэж байгаа.