Шаардлага хангаагүй Индонезийн “Дае-Кал” эмийг эргүүлэн татжээ

Эм, эмнэлгийн хэрэгслийн хяналт, зохицуулалтын газраас “Дае-Кал” зажилдаг шахмал эмийн FE8665 цувралыг зах зээлээс эргүүлэн татаж, устгасан байна. Тус эмийг Индонез улсын PT. Carifamindo Laboratories үйлдвэрлэгчийн бүтээгдэхүүн бөгөөд Эм шинжлэх лабораторийн 2026 оны наймдугаар сарын 11-ний өдрийн шинжилгээгээр шаардлага хангаагүйг нь тогтоожээ.

Иймд уг бүтээгдэхүүнийг эрсдэлийн II ангилалд хамааруулан зах зээлээс эргүүлэн татаж, журмын дагуу устгасан байна. Эм, эмнэлгийн хэрэгслийн хяналт, зохицуулалтын газраас FE8665 цувралын “Дае-Кал” эмийг хэрэглэхгүй байхыг иргэдэд анхааруулжээ.