
Аймаг, нийслэлээс ирүүлсэн урьдчилсан мэдээллээр, улсын хэмжээнд өнгөрсөн 24 цагийн хугацаанд баавгайтай холбоотой нийт 21 удаагийн дуудлага, мэдээлэл бүртгэгдсэн байна. Бүртгэгдсэн дуудлага, мэдээллийг нутаг дэвсгэрээр нь авч үзвэл, Хөвсгөл аймагт хамгийн олон буюу таван дуудлага, Хэнтий аймагт гурав, нийслэлд гурав, Булган аймагт хоёр, Завхан аймагт хоёр, Сэлэнгэ аймагт хоёр, Төв аймагт хоёр дуудлага, мэдээлэл тус тус бүртгэгджээ.
Харин Архангай болон Дархан-Уул аймагт тус бүр нэг дуудлага, мэдээлэл бүртгэгдсэн байна.
Нийт бүртгэгдсэн 21 дуудлага, мэдээллийн тав буюу 23.8 хувь нь Хөвсгөл аймагт бүртгэгдсэн нь бусад аймаг, нийслэлтэй харьцуулахад хамгийн өндөр үзүүлэлт болж байна.




