Гаагийн шүүх ОХУ-ын Жанжин штабын дарга Валерий Герасимов, Батлан хамгаалахын сайд асан Сергей Шойгу нарыг баривчилна

Олон улсын эрүүгийн шүүх өнгөрсөн мягмар гарагт Украины дэд бүтцэд цохилт өгсөн Оросын армийн дээд командлагч болон экс Батлан ​​хамгаалахын сайдыг дайны гэмт хэрэгтэн гэж үзэн баривчлах тушаал гаргаснаа мэдэгджээ. Олон улсын эрүүгийн шүүхээс Украины дайнтай холбоотойгоор ОХУ-ын Ерөнхийлөгч Владимир Путинийг баривчлах тушаал гаргаад байгаа билээ. Даваа гарагт гаргасан боловч мягмар гарагт олон нийтэд ил болсон тушаалууд нь Жанжин штабын дарга Валерий Герасимов, Батлан ​​хамгаалахын сайд асан Сергей Шойгу нарт холбогдох аж. Тэднийг  энгийн иргэдийн объектод халдаж, энгийн иргэдэд  их хэмжээний хохирол учруулсан, мөн Украинд хүн төрөлхтний эсрэг гэмт хэрэг үйлдсэн гэжээ.  Украин  Олон улсын эрүүгийн шүүхийн шийдвэрийг сайшаажээ. Зеленский олон нийтийн сүлжээнд "Энэ шийдвэр нь украинчуудын эсрэг үйлдсэн Оросын гэмт хэргийн эсрэг шударга ёс зайлшгүй байх ёстойгийн тод илрэл" гэж мэдэгджээ.  Гааг хотод байрладаг Олон улсын эрүүгийн шүүх баривчлах тушаалыг хэрэгжүүлэх өөрийн гэсэн цагдаагийн албагүй. Гишүүн орнууддаа тулгуурладаг. Олон улсын эрүүгийн шүүхийн гишүүн орноор зочилвол баривчлагдах магадлалтай гэсэн үг.  Путин өөрөө гадаадад, тэр дундаа Киргиз, Саудын Араб, Арабын Нэгдсэн Эмират улсад аялсан бөгөөд эдгээр орны  Гаагийн шүүхийн гишүүн биш юм. Гэсэн хэдий ч тэрбээр Өмнөд Африкт БРИКС-ийн (Бразил, Орос, Энэтхэг, Хятад, Өмнөд Африк) бүлгийн хуралдааныг алгассан. Путин өнгөрсөн сард Шойгуг Батлан ​​хамгаалахын сайдаас нь буулгасан  бөгөөд Украины довтолгооноос хойш хоёр жил гаруйн хугацаанд Оросын армийн удирдлагад томоохон өөрчлөлт гарсан юм. Өдгөө 68 настай тэрбээр 2012 онд ОХУ-ын Батлан ​​хамгаалахын сайдаар томилогдсон. Тэрбээр Аюулгүйн зөвлөлийн шинэ нарийн бичгийн даргаар томилогдож, Путиний олон жилийн холбоотон Николай Патрушевын орыг авсан. Герасимов 2012 онд ажлаа  авсныхаа дараа ЗХУ-ын дараах үеийн ерөнхий штабын даргаар хамгийн удаан ажилласан хүн юм. 2002 онд дэлхий даяарх дайны гэмт хэргийг мөрдөн шалгах зорилгоор байгуулагдсан ОУЦХК есдүгээр сард Киевт хээрийн оффисоо нээсэн бөгөөд Оросын хүчинд болзошгүй дайны гэмт хэрэгт хариуцлага тооцох хүчин чармайлтын нэг хэсэг юм.