АНУ-д коронавирусийн халдвар идэвхжиж эхэлжээ

      Өвчнийг хянах, урьдчилан сэргийлэх төвөөс гаргасан хамгийн сүүлийн үеийн мэдээллээс үзэхэд АНУ-ын  олон хэсэгт вирус тархаж, нэмэгдсээр байгаа тул тус улсын мужуудын талаас илүү хувь нь COVID-ийн идэвхжил "маш өндөр" түвшинд байгаа ажээ.  27 мужид вирусийн идэвхжил "маш өндөр", 17 мужид "өндөр" түвшинд байгаа юм байна.

Бостоны хүүхдийн эмнэлгийн тархвар судлаач, инновацийн ахлах ажилтан Жон Браунштейн "Шинжилгээ  бидний COVID-19-ийг хянах хамгийн найдвартай арга хэрэгслийн нэг болсон" гэжээ. Вирусийн улмаас нас баралт,  өмнөх жилүүдтэй харьцуулахад харьцангуй жигд хэвээр байна. Холбооны эрүүл мэндийн байгууллагуудын мэдээлснээр шинэчилсэн COVID вакциныг энэ намар гаргахаар төлөвлөж байна. АНУ-ын Хүнс, Эмийн Захиргаанаас вакцин үйлдвэрлэгчдэд вакцины бэлдмэлийг KP.2 омог дээр үндэслэн боловсруулахыг зөвлөсөн бөгөөд уг омог нь  одоогоор түгээмэл байгаа  тохиолдлын зургаа  орчим хувийг эзэлдэг омикроны  хувилбар юм. KP.3.1.1 ба KP.3 гэгддэг генетикийн хувьд ижил төстэй хувилбарууд одоогоор тооцоолсон тохиолдлын бараг тал хувийг эзэлж байгааг CDC-ийн мэдээлэл харуулж байна. CDC энэ улиралд зургаан сараас дээш насны бүх хүмүүст шинэчилсэн COVID вакцин хийлгэхийг зөвлөөд байна.

https://www.yahoo.com/news/more-half-us-states-reporting-195900004.html