Гренланд яагаад стратегийн хувьд чухал вэ

Дани улсын харьяанд байдаг Арктикийн өргөн уудам, автономит нутаг дэвсгэр болох Гренланд олон улсын төвд ороод байна. Ерөнхийлөгч Дональд Трамп алслагдсан арлыг эзлэхийг уриалж байх үед НАТО-гийн эвслийн хамгийн хүчирхэг гишүүн орон нутаг дэвсгэрээ өөр улсын нутаг дэвсгэрт нэгтгэх төлөвтэй байгаа нь Вашингтоны Европын НАТО-гийн холбоотнуудтайгаа харилцах харилцааг хямралд оруулав.

Гренланд ямар нутагтай вэ

 836,000 хавтгай дөрвөлжин миль (2.16 сая хавтгай дөрвөлжин км) газар нутагтай, байгалийн баялаг ихтэй Гренланд арал нь Данийн колони байсан бөгөөд одоо Арктикт оршдог Данийн автономит нутаг юм.

Яагаад стратегийн хувьд чухал вэ

Геополитикийн байрлал, байгалийн нөөц баялаг, түүнийг тойрсон хойд зүгийн усан онгоцны замууд нь Гренландыг чухал стратегийн бүс нутаг болгож байна.

Гренланд нь АНУ, Европын хооронд оршдог бөгөөд Хойд мөсөн далайг Атлантын далайтай холбодог Гренланд, Исланд, Их Британийн хоорондох далайн гарц болох GIUK-ийн цоорхойд оршдог. Энэ байршил нь Хойд Атлантын далай руу нэвтрэх, худалдаа, аюулгүй байдлын аль алинд нь хяналт тавихад чухал ач холбогдолтой юм.

Гренланд хэзээ Трампын анхаарлын төвд орсон бэ

Нэгдүгээр сарын 3-нд АНУ-ын хүчнийхэн Мадурог гэрээс нь хүчээр баривчилнаас  хойш нэг өдрийн дараа Трамп "Үндэсний аюулгүй байдлын үүднээс" АНУ-д Гренланд хэрэгтэй хэмээсэн.

"Гренланд хаа сайгүй Орос, Хятадын хөлөг онгоцуудаар бүрхэгдсэн" гэж Трамп “Air Force One” онгоцонд сэтгүүлчдэд өгсөн ярилцлагадаа онцолсон. Тэрбээр "Үндэсний аюулгүй байдлын үүднээс Гренланд бидэнд хэрэгтэй, Дани үүнийг хийх боломжгүй."

Хэмээсэн. Бямба гарагт Трамп Дани, Финлянд, Франц, Герман, Нидерланд, Норвеги, Швед, Их Британи зэрэг улсын бараанд 10 хувийн татвар ногдуулна гэж мэдэгдээд зургаадугаар сарын 1 гэхэд тохиролцоонд хүрэхгүй бол 25 хувь хүртэл өсгөнө хэмээсэн.

https://edition.cnn.com/2026/01/06/europe/why-trump-wants-greenland-importance-intl