Улсын Дээд шүүхийн Ерөнхий шүүгчид Ч.Хосбаярыг санал болгожээ

Ерөнхийлөгч асан Х.Баттулгын томилсон УДШ-ийн Ерөнхий шүүгч Д.Ганзоригийн бүрэн эрхийн хугацаа өчигдөр буюу зургаадугаар сарын 2-ний өдөр дуусав. Улиран томилж болох эрх зүйн орчинг ҮХЦ бүрдүүлж өгсөн ч хөшигний ард Ерөнхийлөгч У.Хүрэлсүх УДШ-ийн Эрүүгийн танхимын тэргүүн Ч.Хосбаярыг санал болгожээ. Ч.Хосбаяр 2015 онд Ц.Элбэгдоржийн зарлигаар УДШ-ийн шүүгч болж байсан бөгөөд Сүхбаатар дүүргийн анхан шатны шүүхэд шүүгч байхдаа нийгмийн анхааралд орсон дуулиант олон хэргийг шүүж, олонд танигдсан юм. 

---

Шинэ Ерөнхий шүүгчийг томилох асуудлыг өнөөдөр Дээд шүүхийн танхимын нийт шүүгчдийн хуралдаанаар хэлэлцэхээр тогтсон. Хуулиараа Дээд шүүхийн нийт шүүгчдийн хуралдаанаас Ерөнхий шүүгчид нэр дэвшигчийг тодруулан Ерөнхийлөгч УИХ-д танилцуулснаар томилгоо албажих учиртай билээ.