Бээжин Тайваньтай дахин нэгдэхийн тулд хүч хэрэглэхээс ямар ч үед татгалзахгүй гэж тус улсын Батлан хамгаалахын сайд Ли Шанфу пүрэв гарагт мэдэгдсэнийг “South China Morning Post” сонин мэдээлжээ. Үүний зэрэгцээ Батлан хамгаалах яам гадаадын хөндлөнгийн оролцооноос сэрэмжлэхийн зэрэгцээ энхтайвнаар эвлэрнэ гэдэгт найдаж байгаагаа илэрхийлсэн байна. БХЯ-ны хэвлэлийн төлөөлөгч Тан Кефэй “Тайваний тусгаар тогтнолын төлөө гадаадаас дэмжлэг авах оролдлого, Хятадыг дарахын тулд Тайванийг ашиглах гэсэн гаднын хүчний оролдлогыг бид хэзээ ч хүлээн зөвшөөрөхгүй. Бид хүч хэрэглэхээс татгалзахгүй" гэжээ. Тэрбээр “Бээжин чин сэтгэл, хүчин чармайлтаар энхтайвнаар дахин нэгдэхийг хичээх болно" гэжээ. Вашингтоны хориг арга хэмжээний жагсаалтад орсон Ли Сингапурт жил бүр болдог Шангри-Ла яриа хэлэлцээний аюулгүй байдлын форумын үеэр АНУ-ын Батлан хамгаалахын сайд Ллойд Остинтэй уулзахаас татгалзсан тухай Вашингтон энэ долоо хоногийн эхээр мэдэгдсэн. АНУ Хятадын талаар баримталж буй бодлогоо "засаж", түүний хэрэгт хөндлөнгөөс оролцохоо зогсоох ёстой гэж Хятадын ГХЯ мэдэгдээд байгаа юм. АНУ, Хятад хоёр бие биенээ Тайваний хоолойд хурцадмал байдлыг бий болгож, бусдыг дарамтлах зорилгоор худалдааны харилцааг зэвсэглэсэн гэж буруутгаж байна. Мягмар гарагт Пентагон Хятадын сөнөөгч онгоц Америкийн тагнуулын онгоцны ойролцоо аюултай маневр хийж байна гэж мэдэгдэсэн ч Бээжин энэ мэдэгдлийг няцаасан байна.
Хаха
1
0
Таалагдсан
0
Гунигтай
0
Нүдний булай
0
Пөөх