МЭДЭЭОнцлох

Валентинаар цас орно

Хуваалцах:
Валентинаар цас орно

ЦУОШГ-аас мэдээлснээр, энэ сарын 14-нд төвийн болон говийн аймгуудын нутгаар цас орж, явган шуурга шуурах төлөвтэй байгаа юм байна.

Хоёрдугаар сарын 18-ыг хүртэлх, ирэх долоо хоногийн цаг агаарын ерөнхий төлвийг танилцуулъя.

Энэ сарын 18-ныг хүртэлх цаг агаарын урьдчилсан төлөв:

  • 14-нд төв болон говийн аймгуудын нутгийн зүүн хэсэг, зүүн аймгуудын нутгийн зарим газраар,
  • 15-нд баруун аймгуудын нутгийн баруун хэсэг, зүүн аймгуудын нутгийн зарим газраар,
  • 16-нд баруун аймгуудын нутгийн зарим газар, төвийн аймгуудын нутгийн хойд хэсгээр,
  • 17-нд нутгийн хойд хэсгээр цас орж, явган шуурга шуурна.

Салхи 14, 15-нд нутгийн зарим газраар, 16-нд говь, тал, хээрийн нутгаар, 17-нд говь, талын нутгаар секундэд 13-15 метр хүрч ширүүснэ.

Увс нуур болон Дархадын хотгор, Завхан, Идэр, Тэс голын хөндийгөөр шөнөдөө 40-45 градус, өдөртөө 29-34 градус, Их нууруудын хотгор, Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 32-37 градус, өдөртөө 18-23 градус, говийн бүс нутгийн өмнөд хэсгээр шөнөдөө 16-21 градус, өдөртөө 3-8 градус, бусад нутгаар шөнөдөө 22-27 градус, өдөртөө 10-15 градус хүйтэн байна. 16-наас ихэнх нутгаар хүйтний эрч бага зэрэг суларна.

Аймгуудын цаг агаарыг эндээс харна уу.


Хуваалцах:
2Хаха
2Таалагдсан
0Гунигтай
0Нүдний булай
0Пөөх

Сэтгэгдэл бичих

Зочин 2022-02-13 23:21:36

Hristiin shashnii bayriig temdegleh gej guigeed buh yumiig sarmagchin met dagaj duuriadagaa bolivol yasiin uhernuudee ombuu gej

Зочин
Сэтгэгдэл бичих