Дархан-Уул: Нэгдсэн эмнэлэгт сүүлийн үеийн угаалгын тоног төхөөрөмж нийлүүллээ

    Орон нутгийн төсвийн 87.8 сая төгрөгөөр Нэгдсэн эмнэлэгт 30 килограммын угаалгын машин, хатаагч, 3 ширхэг автомат индүү зэрэг угаалгын иж бүрэн тоног төхөөрөмжийг нийлүүлсэн.

Тоног төхөөрөмжийг иж бүрэн шинэчлэснээр эмчилгээ үйлчилгээний арын албаны ариун цэврийг ханган ажилладаг угаалгын тасгийн ажилтнуудын ажлын ачааллыг хөнгөрүүлэх, хөдөлмөрийн бүтээмжийг нэмэгдүүлэхээс гадна эмчилгээ үйлчилгээний чанар хүртээмжийг сайжруулж байна.

Угаалгынхан өдөрт эмч, эмнэлгийн ажилтнуудын 200 хос хувцасыг ариутган цэвэрлэдгээс гадна хэвтэн эмчлүүлэгчдэд хэрэглүүлдэг цагаан хэрэглэлийг угааж ариутгадаг юм.

Аймгийн Засаг дарга Б.Азжаргал ковидын үед эмнэлгийн цагаан хэрэглэлийг угааж ариутгадаг тус тасгийн үйл ажиллагаатай танилцах үеэр тоног төхөөрөмжийг бүрэн шинэчлэхээр амласан. Ийнхүү бодит ажил болж байгаад эмч, эмнэлгийн ажилтнууд талархалтай байна.