Н.Цэрэнсамбуу: Монгол Улсын 3.5 сая хувьцаа эзэмшигчдэд 208.5 тэрбумын ногдол ашиг олгох шийдвэр гарсан

"Эрдэнэс Тавантолгой" ХК 2025 оны тайлангаа танилцуулах үеэр  ногдол ашгийн талаар мэдээлэл өгөв. Тус компанийн гүйцэтгэх захирлын үүрэг гүйцэтгэгч Н.Цэрэнсамбуу "Компанийн тухай хуулиар санхүүгийн жил дууссанаас 50 хоногийн дотор Төлөөлөн Удирдах Зөвлөл ногдол ашиг хуваарилах эсэхийг шийддэг. Хурлаар 2025 оны ашгаас нэгж хувьцаанд 65.55 төгрөг олгох шийдвэр гарсан. "Эрдэнэс Тавантолгой" ХК өнөөг хүртэл 10.3 их наяд төгрөгийн ногдол ашиг тараах шийдвэр гаргаж байсан бөгөөд 2.6 их наяд төгрөгийн ногдол ашгийг иргэдэд тараасан байдаг" гэлээ.