ТАНИЛЦ: Дараах аймаг, сумдад энэ сарын 22-ноос шилжилт хөдөлгөөнийг түр зогсооно

Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн есдүгээр зүйлийн 9.8, 9.9 дэх заалтын дагуу 16 аймгийн 43 сумын сонгуулийн 73 хэсэгт нөхөн сонгууль товлон 2026 оны зургаадугаар сарын 21-ний өдрийн ням гарагт зохион байгуулна.

Тус хуулийн 24 дүгээр зүйлийн 24.1 дэх хэсэгт заасны дагуу хавсралтад дурдсан нөхөн сонгууль явах нутаг дэвсгэрт хамаарах иргэний засаг захиргааны нэг нэгжээс нөгөө нэгжид шилжин суурьших хөдөлгөөнийг 2026 оны дөрөвдүгээр сарын 22-ны өдрөөс 2026 оны зургаадугаар сарын 22-ны өдрийг дуустал хугацаанд түр зогсооно.