Балбад болсон үерийн улмаас амиа алдсан хүний тоо 1000 давж, 3000 гаруй хүн сураггүй хэвээр байна

Балбын эрх баригчид ням гарагт дахин үер болох магадлалтайг анхааруулжээ. Энэхүү анхааруулга нь Хятадын эрх баригчид Бхотекоши голын дээд хэсэгт усны урсгал нэмэгдэж байгаа талаар Балбад мэдэгдсэний дараа гарсан талаар Үндэсний Гамшгийн Эрсдэлийг Бууруулах, Удирдлагын Газрын дарга Дхарам Раж Упрети “Associated Press” агентлагт ярьжээ.  Балба болон Хятад улсад болсон гамшгийн улмаас амиа алдагсдын тоо даваа гарагийн байдлаар 1000 давж, 3000 гаруй хүн сураггүй хэвээр байна.

Өнгөрсөн долоо хоногт Гималайн бүс нутгийн тус улсад тохиосон хүчтэй үерийн улмаас 39 орны 590 орчим гадаадын иргэн сураггүй сураггүй болсныг Балбын Гадаад хэргийн яам мэдээлсэн. Одоогоор гадаадын 323 иргэнийг авраад байгааг тус яамны хэвлэлийн төлөөлөгч Лок Бахадур Чхетри мэдэгдэв.

Хятадын эрх баригчид Төвөд дэх хилийн бүсэд 16 хүн амиа алдаж, 546 хүн сураггүй алга болсон тухай мөн  мэдээлжээ. Орон нутгийн мэдээллээр, сураггүй  болсон хүмүүсийн дунд 100 орчим балба, 49 энэтхэг, 43 австрали, 33 латви, 18 америк, 15 британи иргэн байгаа аж.

Киргиз улсад төрийн айлчлал хийж буй Ерөнхийлөгч Ши Жиньпин Хятад улс сураггүй алга болсон хүмүүсийг эрэн хайх ажилд бүх хүчин чармайлтаа гаргаж байгааг мэдэгдэв. Балба улсад армийн аврах багийнхан амралтын өдрүүдэд "Тришули 3А" усан цахилгаан шавраар дүүрсэн хонгил руу өрөмдлөг хийж, 100 орчим ажилчин гацсан гэж таамаглаж буй хэсэг рүү агаар шахах, камер буулгах боломжтой зайг нээж чаджээ.

https://www.independent.co.uk/asia/south-asia/nepal-flood-alert-warning-missing-everest-hydropower-tunnel-rescue-b3041990.html